Herzlich Willkommen beim Gemischten Chor Reichenfels!
Da Gmischte Chor Reichnfels
Da Gmischte Chor va Reichnfels,
gEDICHT VON edITH KIENZL
is a guate Mischung – i dazähls,
aus 18 lustige Weibaleut,
i woaß net recht – wås ba de „gmischt“ bedeut?
I håb de 18e durchgecheckt,
i håb koan onazign Månn entdeckt,
der sich, wåls modern warad krad,
in an „Dirndl“ vasteckn tat!
Und „gmischt“ hoaßt ba seN auf jedn Fåll,
dåss sie ziemlich vastraht sind im Obern Tål!
Die Hålbatn sind in Reichnfels dahoam,
die zweitn Hålbatn in Leahard, åba alloan
oani fåhrt weit va Schiafling her probm
und die Chorleiterin is übahaupt va Obdåch obm!
„Gmischt“ hoaßt ba sen – a lustiga Haufn,
Chortradition is dås järhliche … Wichtlfrühstück!
Im Advent nåchn Rorate-Singen,
wo die Wichtalan gegenseiti Geschenke mitbringen!
Und noch wås, wås ma va die Reichnfelsa so hört,
se håbm imma a lustigs Thema ba senre Konzert!
Se singant üba die Liab und die liabste Speis,
se begeistern Junge genauso – wie Tattergreis!
Hoff ma, dåss heuer euer Herbstkonzert laft,
då werdn wieda fleißig Kekslan vakaft,
damit ihr wieda – ihr seids a Segn,
za die Weihnachtn ini Spendn kinnts übagebm!
Hiatz såmma neugieri, wås uns singen werds,
Gemischter Chor Reichenfels – Frauen mit Herz!
